Suður mætir Norðri
  Norræn tónlistarhátíð í Norræna húsinu
   9. - 12. júní

Á aðalfundi félagsins 27. maí síðastliðinn var Rut Ingólfsdóttir útnefnd heiðurfélagi F.Í.T. Hún er tuttugasti heiðursfélagi F.Í.T. útnefndur frá upphafi en alls eru átta eftirlifandi heiðursfélagar í félaginu. Hún hlaut skrautritað heiðursfélagaskjal FÍT og blómvönd af því tilefni og Hallveig Rúnarsdóttir, stjórnarmaður, fór yfir lífshlaup Rutar:

Rut Ingólfsdóttir fiðluleikara
Rut stundaði fiðlunám í Reykjavík frá unga aldri undir handleiðslu Ruthar Hermanns, Einar G. Sveinbjörnssonar og Björns Ólafssonar. Erlendis stundaði Rut nám við tónlistarháskólana í Málmey í Svíþjóð og Brussel í Belgíu, þar sem André Gertler var kennari hennar og lauk hún prófi þaðan með láði árið 1969.
Rut hefur svo sannarlega látið að sér kveða í íslensku tónlistarlífi. Hún var fastráðin í Sinfóníuhljómsveit Íslands til margra ára og um tíma einn af konsertmeisturum hennar. Einnig var hún konsertmeistari með Pólýfónkórnum og fleiri kórum, kennari við Tónlistarskólann í Reykjavík og leiðari í Reykjavíkurkvartettnum. Þá er ótalið farsælt starf hennar í Skálholti en hún er meðlimur í Bachsveitinni í Skálholti og Skálholtskvartettinum.
Stærsta afrek Rutar á starfsferlinum er þó líklegast óeigingjarnt og árangursríkt starf með Kammersveit Reykjavíkur. Hún stofnaði sveitina árið 1974 ásamt 12 hljóðfæraleikurum, sem flestir voru nýkomnir heim frá námi erlendis og störfuðu í Sinfóníuhljómsveit Íslands og við Tónlistarskólann í Reykjavík. Markmiðið með stofnun hennar var að gefa áheyrendum kost á reglulegum tónleikum með kammertónlist, allt frá barokktímanum til nútímans, og um leið að gefa hljóðfæraleikurunum tækifæri til að glíma við áhugaverð verkefni. 
Rut var formaður sveitarinnar frá upphafi 1974 þar til hún afhenti það kefli til Guðrúnar Hrundar Harðardóttur á síðasta ári. Samhliða formennskunni var Rut fyrsti fiðluleikari sveitarinnar þennan tíma og kom einnig margoft fram sem einleikari. Undir styrkri stjórn Rutar hefur starf Kammersveitar Reykjavíkur blómstrað og hróður hennar borist víða um lönd ásamt því að vera burðarstoð í tónlistarlífi hér á Íslandi.
Rut hefur einnig náð glæstum árangri sem einleikari. Hún hefur komið fram á tónleikum um allan heim, á Norðurlöndum og víða í Evrópu,  Kína og í Japan. Rut hefur einnig verið dugleg að halda tónleika hér innanlands, og einnig tekið virkan þátt í því að vekja áhuga íslenskra barna á fiðlunni og klassískri tónlist.
Hún hefur frumflutt fjölmörk verk eftir íslenska höfunda ásamt því að flytja helstu perlur tónbókmenntanna fyrir einleiksfiðlu og starfað með flestu af okkar fremsta tónlistarfólki.
Rut hefur margoft hlotið viðurkenningu fyrir störf sín að tónlistarmálum, t.d. Menningarverðlaun DV 1989, viðurkenningu STEFs fyrir kynningu og flutning á verkum Jóns Leifs 1991; hún var sæmd hinni íslensku fálkaorðu 1990 og árið 2007 hlaut Rut einnig riddarakross franska ríkisins fyrir kynningu og flutning á franskri tónlist á Íslandi.

Á aðalfundi félagsins 27. maí síðastliðinn var afhentur einn styrkur úr Hljómdiskasjóði að upphæð 200.000 kr. Hann hlaut: 
Ástríður Alda Sigurðardóttir til að hljóðrita píanóverk eftir Chopin.

Á aðalfundi félagsins 27. maí síðastliðinn var úthlutað styrkjum til félagsmanna F.Í.T. og FÍH til tónleikahalds á landsbyggðinni 2011. Alls bárust 29 umsóknir sem komu til umsagnar úthlutunarnefndar. Átta tónlistarmenn og hópar hlutu styrk til landsbyggðartónleika 2011:
Einleikur:
Ástríður Alda Sigurðardóttir, píanó
Edda Erlendsdóttir, píanó
Dúó:
Þórunn Ósk Marinósdóttir, víóla, Kristinn Örn Kristinsson, píanó
Ari Þór Vilhjálmsson, fiðla, Sigurgeir Agnarsson, selló
Tríó
Trílógía: Hallveig Rúnarsdóttir, sópran, Sólveig Samúelsdóttir, sópran, Hrönn Þráinsdóttir, píanó
Vadim Fedorov, harmonikka, Leifur Gunnarsson, kontrabassi, Gunnar Hilmarsson, gítar
Kvintett:
Davíð Ólafsson, bassi, Kjartan Óskarsson, klarinett, Emil Friðfinnsson, horn,  Brjánn Ingason, fagott, Snorri Örn Snorrason, gítar
Sextett:
Voces Thules: Eggert Pálsson, Einar Jóhannesson, Eiríkur Hreinn Helgason, Guðlaugur Viktorsson, Sigurður Halldórsson, Arngerður María Árnadóttir orgel

Aðalfundur FÍT var haldinn í Vestursal FÍH í Rauðagerði 27 þann 27. maí síðastliðinn. Fundurinn hófst kl. 18:30 með útnefningu á nýjum heiðursfélaga, Rutar Ingólfsdóttur fiðluleikara. Þá var úthlutað styrkjum úr Hljómdiskasjóði félagsins og til Tónleika á landsbyggðinni 2010.
Venjuleg aðaflundarstörf hófust kl. 19:30. Fundarstjóri var Anna Sigríður Helgadóttir, fundarritari Margrét Bóasdóttir og fundarmenn 11 samtals að stjórn meðtalinni. Aðalfundargerð frá 2009 var borin upp til samþykktar en þá var komið að skýrslu formanns. Kristín Mjöll Jakobsdóttir rakti helstu störf stjórnar á árinu og sagði fá því sem er á döfinni á næstunni. Látinna félaga á síðasta ári var minnst með einnar mínútu þögn. Reikningar félagsins voru bornir upp og samþykktir, 6 nýjum félagsmönnum var veitt innganga. Þeir eru: Víkingur Heiðar Ólafsson, Sólveig Samúelsdóttir, Guðrún Jóhanna Ólafsdóttir, Herdís Anna Jónasdóttir, Eyþór Ingi Jónsson og Ásdís Hildur Runólfsdóttir. Sitjandi stjórn gaf áfram kost á sér og var hún samþykkt einróma. Tveir nýir varastjórnarmenn voru kjörnir: Þórarinn Stefánsson og Anna Sigríður Helgadóttir en Daníel Þorsteinsson og Sólveig Anna Jónsdóttir gengu úr varastjórn. Skoðunarmenn reikninga voru endurkjörnir.  Þá var samþykkt tillaga stjórnar um að stjórn fengi umboð til að velja fulltrúa félagsins í úthlutunarnefnd Launasjóðs tónlistarflytjenda. Vigdís Klara Aradóttir verkefnisstjórin landsbyggðartónleika flutti skýrslu. Kristín Mjöll hafði framsögu að umræðum um fjármál félagsins en um það spunnust nokkrar umræður. Tillaga stjórnar um hækkun félagsgjalda í 7.000 kr var samþykkt. Stjórn var falið að ljúka ályktun til fjölmiðla samkvæmt tillögu aðalfundar.  Aðalfundargerð, skýrsla formanns og samþykkt ályktun verða sendar félagsmönnum í tölvupósti á næstunni.

Aðalfundur félagsins verður haldinn fimmtudaginn 27. maí 2010, í Vestursal FÍH, Rauðagerði 27. Fundurinn hefst kl. 18:30 með úthlutun styrkja úr Hljómdiskasjóði og til Landsbyggðartónleika. Kjörinn verður nýr heiðursfélagi.
Hefðbundin aðalfundarstörf hefjast kl. 19:15.
Fyrir liggur tillaga um hækkun félagsgjalda í 7.000 kr. en farið verður sérstaklega yfir rekstrarstöðu félagsins og kallað eftir umræðum. Þá verður sagt frá þeim atburðum sem eru á döfinni í júní í tilefni af 70 ára afmæli félagsins.
Minnt er á að nýir félagar eru einungis teknir inn á aðalfundi. Umsókn um aðild þarf að berast stjórn fyrir þann tíma. Minnið áhugasama á að sækja um aðild fyrir fundinn. Umsóknareyðublöð eru á heimasíðu félagsins; www.fiston.is
Stjórnarmenn í aðalstjórn F.Í.T. munu áfram gefa kost á sér til stjórnarsetu. Laus sæti eru í varastjórn. Þeir félagsmenn sem áhuga hafa á stjórnarstörfum láti formann vinsamlegast vita af framboði sínu.
Félagsmenn eru hvattir til góðrar þátttöku!
Með kveðju,
Stjórnin

Dagsskrá aðalfundar:

a: Fundargerð síðasta aðalfundar borin upp til samþykktar.
b: Skýrsla formanns.
c: Lagðir fram til samþykktar endurskoðaðir félagsreikningar fyrir síðasta reikningsár.
d: Tillögur til lagabreytinga ef fram eru bornar.
e: Umsóknir nýrra félaga.
f: Kosin stjórn, varastjórn og skoðunarmenn reikninga.
g: Önnur mál.

• Tilnefningar í úthlutunarnefnd Launasjóðs tónlistarflytjenda
• Umræður um rekstrarafkomu F.Í.T.
• Tillaga um hækkun félagsgjalda í 7.000 kr
• Skýrsla verkefnisstjóra landsbyggðartónleika

Suðræn tangósveifla undir handleiðslu Olivier Manoury bandóneonleikara er námskeið á vegum Félags íslenskra tónlistarmanna haldið í Tónlistarskólanum í Reykjavík dagana 9. – 12. júní 2010. Námskeiðið er sérstaklega ætlað strengja-, píanó- og söngnemendum á framhaldsstigi. Einnig geta starfandi tónlistarmenn sótt um. Söngvarar þurfa að geta sungið á spænsku.
Kennt verður miðvikudag, fimmtudag og föstudag dagana 9.-11. júní frá kl. 9:30 – 16:00. Tónleikar þátttakenda verða í lok föstudags.
Námskeiðsgjald er 12.000 kr - umsóknareyðublað

Námskeiðið eru hluti af norrænni tónlistarhátíð ,,Suður mætir Norðri” sem fram fer í Norræna húsinu dagana 10.-12. júní fyrir tilstilli Félags íslenskra tónlistarmanna í samvinnu við norræn einleikarafélög.
Meðfram námskeiðinu verður haldin tangósmiðja þar sem norrænir gestir hátíðarinnar leiða saman hesta sína með Olivier Manoury og félögum hans í tangókvartettinum. 
Sérstakir hátíðartónleikar verða í Norræna hússinu laugardaginn 12. júní kl. 16:00.
Þar verður leikin tangótónlist undir stjórn Olivier Manoury. Með honum koma fram þátttakendur tangósmiðjunnar og nemendur af námskeiðinu.

Laugardaginn 24. april n.k. mun BÍL, Bandalag íslenskra listamanna, efna til fundar þar sem rætt verður um eðli og tilgang lista á skemmtilegan og skapandi hátt. Fundurinn er æltaður listafólki úr öllum listgreinum, höfundum hugverka ásamt fræðimönnum og öðrum þeim sem starfa innan hinna skapandi greina.

Fundarformið verður áþekkt Þjóðfundinum, sem haldinn var í Laugardalshöll í nóvember sl. Funarmönnum verður skipt niður á borð með ca. 9 fundarmönnum og einum borðstjóra, sem tryggir virkni allra í hópnum.

Fundurinn verður vonandi einskonar sjálfsskoðun, þar sem þátttakendur ræða við kollega úr ýmsum áttum um tilgang lista, hvert hlutverk listamanna sé og hvort listir og menning skipti máli við endurreisn íslensks samfélags. Fundinum er ætlað að efna til samræðu um listir milli listafólks, tengja saman sjónarmið og innsæi úr ólíkum áttum og skapa með því jarðveg fyrir nýjar hugmyndir og möguleika. Þar að auki er líklegt að hugmyndirnar sem fæðast og verða ræddar á fundinum skili sér inn í umræðu um listir á ýmsum vettvangi, meðal annars á fyrirhugaðri ráðstefnu Mennta- og menningarmálaráðuneytisins, Menningarlandið 2010 - Mótun menningarstefnu, sem haldin verður viku síðar eða 30. apríl. Þannig geta listamenn lagt sitt af mörkum, sem hlýtur að teljast afar brýnt, við mótun þeirrar menningarstefnu sem við teljum æskilega á Íslandi.

Fundurinn verður haldinn í sal FÍH við Rauðagerði 27, 108 Reykjavík, kl. 10:00 - 15:00 - húsið opnar kl. 9:30 og er þátttakendum að kostnaðarlausu. Boðið verður upp á hádegishressingu. Væntanlegir þátttakendur eru beðnir að senda póst á netfangið bil@bil.is með upplýsingum um nafn, netfang, síma og listgreinina sem þau starfa við. Staðfesting óskast fyrir dagslok mánudaginn 19. apríl.

Með góðri kveðju,
f.h. undirbúningshóps og stjórnar Bandalags íslenskra listamanna
Kolbrún Halldórsdóttir, forseti BÍL

Vigdís Finnbogadóttir fv. forseti Íslands stendur á tímamótum á árinu 2010 því að auk stórafmælis hennar 15. apríl nk. verða liðin 30 ár frá þeim sögulega atburði þegar Íslendingar, fyrstir þjóða, kusu konu til forseta í lýðræðislegri kosningu hinn 29. júní 1980.
Í tilefni af stórafmæli Vigdísar hinn 15. apríl efnir Háskóli Íslands, ríkisstjórnin og Reykjavíkurborg í samvinnu við samtök sem tengjast hugðarefnum og starfsvettvangi Vigdísar til hátíðardagskrár í Háskólabíói á afmælisdaginn kl. 16.30-18.00 sem ber yfirskriftina: Þú siglir alltaf til sama lands.
Afmæliskaffi 15:30-16:30 og hátíðardagskrá kl 16:30–18:00 í Háskólabíói 15. apríl

Hátíðardagskrá í Háskólabíói 15. apríl kl. 16:30–18:00:

Dagskráin er öllum opin. Húsið verður opnað kl. 15:30 og eru gestir hvattir til að mæta stundvíslega þar sem sent verður beint út í sjónvarpi og útvarpi.

Kristín Ingólfsdóttir rektor Háskóla Íslands, setur dagskrána kl. 16:30 og í kjölfarið munu Jóhanna Sigurðardóttir forsætisráðherra og Hanna Birna Kristjánsdóttir borgarstjóri  ávarpa afmælisbarnið. Háskóli Íslands, stjórnvöld og Reykjavíkurborg  standa að afmælishátíðinni.
Þá tekur við dagskrá í myndum, tali og tónum undir listrænni stjórn Kolbrúnar Halldórsdóttur. Dagskráin er afmælisgjöf til Vigdísar frá listamönnum og þeim samtökum sem Vigdís hefur unnið hvað mest með. Dagskránni lýkur laust fyrir kl. 18 með ávarpi afmælisbarnsins. 
Heiðrum Vigdísi á þessum merkisdegi hennar með því að fjölmenna á afmælishátíðina.
Nánari upplýsingar á vef Stofnunar Vigdísar Finnbogadóttur www.vigdis.hi.is  og hjá svanhvit@hi.is

Varðveisla framtíðar: Sjálfbærni tungumáls,
menningar og náttúru
Alþjóðleg vísindaráðstefna 15.-17. apríl

Setningarathöfn: í Hátíðarsal Háskóla Íslands kl. 18:30–19:30

Martti Ahtisaari, fv. forseti Finnlands og friðarverðlaunahafi Nóbels flytur fyrirlestur við opnun ráðstefnunnar sem Stofnun Vigdísar Finnbogadóttur gengst fyrir.
Á ráðstefnunni verður fjallað um bókmenntir, tungumál, menningu og náttúru frá ýmsum sjónarhornum. Lykilfyrirlesarar verða auk Martti Ahtisaari:  
- Irina Bokova, framkvæmdastjóri UNESCO
- Bernard Comrie, forstöðumaður málvísindadeildar Max Planck stofnunarinnar í Leipzig
- Claire Kramsch, prófessor og forstöðumaður tungumálamiðstöðvar Berkeley háskóla í Kaliforníu
- Páll Skúlason, prófessor og fyrrv. rektor Háskóla Íslands.

Ráðstefnunni lýkur með fyrirlestri, Irinu Bokova  laugardaginn 17. apríl kl. 18:00-18:40 í Hátíðarsal Háskóla Íslands. Skráning og nánari upplýsingar um málstofur og aðra dagskrárliði er að finna á vef ráðstefnunnar.

Auglýst er eftir umsóknum um styrki til tónleikahalds á landsbyggðinni árið 2011, verkefni á vegum F.Í.T. og FÍH. Samkvæmt markmiðum verkefnisins er óskað eftir
• efnisskrá með sígildri tónlist     EÐA
• efnisskrá með blöndu / samtvinnuðu efni af sígildri tónlist og öðrum tónlistarstefnum
Efnisskrár sem ekki eru í samræmi við ofangreind markmið koma ekki til álita.
Æskilegt er að flytjendur gefi kost á samstarfi við tónlistarskóla á tónleikastað, sé þess óskað, t.d. með námskeiðahaldi eða samleik með tónlistarnemum á tónleikunum.
Umsækjendur geta verið einleikarar, söngvarar eða smærri tónlistarhópar. Skilyrði er að allir umsækjendur séu meðlimir í öðru hvoru félaginu, F.Í.T. eða FÍH. Skilvís greiðsla félagsgjalda er skilyrði fyrir því að umsókn sé tekin til umfjöllunar.
Hver styrkur er ætlaður til þriggja tónleika í samstarfi við tónleikahaldara á landsbyggðinni. Leitast er við að útdeila öllum styrkþegum þremur tónleikum. Þóknun er greidd til helminga af verkefninu og tónleikahaldara. Ferðakostnaður og uppihald greiðist af tónleikahaldara. Verkefnisstjóri annast skipulagningu og samskipti við samstarfsaðila. Starfsárið er almanaksárið frá janúar til desember. Þóknun fyrir tónleika er:
• 70.000 kr. f. eina einleikstónleika
• 90.000 kr. f. eina dúótónleika (45x2)
• 105.000 kr. f. eina tríótónleika (35x3)
• 140.000 kr. f. eina kvartetttónleika (35x4)
• 150.000 kr. f. eina kvintetttónleika (30x5)
• Þóknun til stærri hópa er 30 þús. kr. á mann per tónleika
Í umsókninni skulu koma fram nöfn umsækjenda, efnisskrá, stutt lýsing á verkefnavali til kynningar, heimilisfang, netfang og símanúmer ábyrgðarmanns umsóknar, og hvort umsækjendur hafa áður fengið styrk til þessa verkefnis. Einnig skal koma fram hvort umsækjandi(ur) gefur kost á tónleikum að sumarlagi (júlí-ágúst). Umsóknareyðublað má nálgast hér: http://www.fiston.is/default.aspx?PageID=126
Umsóknarfrestur vegna “Tónleika á landsbyggðinni” árið 2011 er til miðnættis sunnudaginn 2. maí næstkomandi. Umsóknir skulu sendar til F.Í.T. eða FÍH, Rauðagerði 27, 108 Reykjavík (póststimpill gildir), merktar “Umsókn um landsbyggðartónleika”, eða í tölvupósti á netfangið fiston@fih.is. Móttaka rafrænna umsókna verður staðfest.
F.h. F.Í.T. og FÍH
Vigdís Klara Aradóttir
verkefnisstjóri
lbtonleikar@fih.is

Nú styttist óðum í fyrstu Barnamenningarhátíðina í Reykjavík en hún verður haldin dagana 19. – 25. apríl.
Við höfum leitað eftir þátttöku ykkar og þökkum kærlega fyrir frábærar viðtökur.
Fjölmargir aðilar koma að hátíðinni sem teygir sig vítt og breitt um borgina í öll hverfin og allt upp í Esjuhlíðar. Á botni Vesturbæjarlaugar bjóða leikskólabörn uppá myndlistarsýningu, Ferðafélag Íslands býður uppá gönguferðir, ratleiki og leikþætti í hlíðum Esjunnar.
Á Listasafni Íslands verður framlag Myndlistaskólans margslunginn viðburður; Dyndilyndi – verði gjafa gagnstreymi. Fimmtán valinkunnir tónlistarmenn, myndlistarmenn, arkitektar, leikarar, hönnuðir og dansarar hafa gert verk sem öll eiga uppruna sinna í verkum nemenda Myndlistaskólans. Á Heimsdegi barna í Gerðubergi gefst börnum og fjölskyldum þeirra tækifæri til að taka þátt í fjölbreyttum listsmiðjum.  
Þema hátíðarinnar er forvitni og verður forvitnilegt að taka þátt í Tilraunalandi í Norræna húsinu og fylgjast með  vísindunum lifna við í Vatnsmýrinni. Í samvinnu við 8 grunnskóla vinnur Listasafn Reykjavíkur – Hafnarhús að verkefninu: FORVITNI - hver er ég? Nemendur vinna klippimyndaverk í anda Erró út frá þemanu og verða verkin sett saman í eina stóra veggmynd sem sýnd verður í Hafnarhúsinu.
Fríkirkjuvegur 11 verður Ævintýrahöllin
Barnamenningarhátíð hefur fengið til afnota hið fallega hús að Fríkirkjuvegi 11.  Þar verður mikil starfsemi alla vikuna sem hátíðin stendur yfir, tónleikar og fjölbreytilegar smiðjur og - síðast en ekki síst - þar fá börn tækifæri til að halda myndlistarsýningar og kynna það sem þau eru að fást við.
Þetta er aðeins brotabrot af því sem í boði verður. Enn er tækifæri til þess að taka þátt og senda inn dagskráratriði og biðjum við áhugasama um að hafa samband fyrir 26. mars við Guðríði Ingu Ingólfsdóttur, s. 590 1509 gudridur.inga.ingolfsdottir@reykjavik.is  og Skúli Gautason, s. 590 1506 skuli.gautason@reykjavik.is
Með góðum kveðjum,
Skúli Gautason og Guðríður Inga Ingólfsdóttir, Höfuðborgarstofu
www.barnamenningarhatid.is        

Með kveðju - Best Regards,
Guðríður Inga Ingólfsdóttir - Gurry
Verkefnisstjóri viðburða - Project Manager for Events
Höfuðborgarstofa - Visit Reykjavík
_______________________________
Adalstræti 2 - 101 Reykjavik - Iceland
www.visitreykjavik.is - gurry@visitreykjavik.is
Phone: (+354) 590 1509- Fax: 590 1501
www.visitreykjavik.is
www.reykjavik.is

Miðvikudagskvöldið 24. mars kl. 20:00 fer kammertónleikaröð Félags íslenskra tónlistarmanna í samvinnu við Norræna húsið af stað öðru sinni. Flytjendur á þessum fyrstu tónleikum starfsársins verða ítölsku tónlistarmennirnir Natalia Benedetti klarínettuleikari og Sebastiano Brusco píanóleikari. Þau munu flytja efnisskrá með vinsælum meistaraverkum fyrir klarínett og píanó eftir evrópsk og bandarísk tónskáld: Fantasíur op. 73 eftir Robert Schumann. Sónötur eftir Francis Poulenc, Camille Saint- Saëns og Leonard Bernstein. Sebastiano Brusco og Natalia Benedetti hafa starfað saman um nokkurt skeið á alþjóðlegum vettvangi.
 

Sebastiano Brusco er virtur píanóleikari í heimalandi sínu og kemur reglulega fram á tónleikum víða um heim. Hann hefur unnið til alþjóðlegra verðlauna, komið fram sem einleikari með hljómsveitum, t.d. Sinfóníuhljómsveitinni í Mílano og I Solisti Veneti. Sebastiano hefur frumflutt verk eftir Milhaud, Gould, Tossati o.fl. Hann er meðlimur Bernini kvartettsins í Róm og vinnur náið með rússneska fiðluleikaranum Vadim Brodsky. Sebastiano er listrænn stjórnandi tónleikaraðarinnar Concerti nella Sagrestia del Borromini í Róm.

Natalia Benedetti hefur unnið til fjölda verðlauna fyrir leik sinn í heimalandi sínu en hún lauk námi í klarínettleik með hæstu einkunn árið 2005 frá Tónlistarháskólanum í Perugia. Henni hefur verið boðið að koma fram á tónlistarhátíðum svo sem Feneyjatvíæringnum, Spoleto og Edinborgarhátíðinni. Á Elliot Carter hátíðinni í Feneyjum 2008 lék hún m.a. með Ursulu og Heinz Holliger. Natalía er listrænn stjórnandi tónlistarhátíðarinnar í Bevagna.
Aðgangseyrir á tónleikana er 1.500 kr og er sérstaklega hvatt til aðsóknar ungs fólks með því að veita öllum undir 21 árs aldri ókeypis aðgang að tónleikunum.

Sjá nánar um tónleikaröðina og efnisskrá

Félag íslenskra tónlistarmanna var stofnað 17. mars 1940 af nokkrum valinkunnum tónlistarmönnum og er þvi 70 ára í dag. Í tilefni afmælisársins er ýmislegt á döfinni hjá félaginu. Ársfundur Nordisk solistråd verður haldinn í Reykjavík dagana 10.-12. júní en á sama tíma stendur F.Í.T. fyrir norrænni tónlistarhátíð "Suður mætir Norðri" í Norræna húsinu með styrk frá Norrænu menningargáttinni. Einleikarar frá Norðurlöndum taka þátt í NordSol tónleikum og tangósmiðju undir leiðsögn Oliviers Manoury sem einnig heldur námskeið fyrir langt komna nemendur. Félagsmönnum verður boðið til sérstakrar hátíðarmótttöku á þessum tíma. Við fáum nýtt útlit á heimasíðuna í tengslum við afmælið og hátíðina. Núverandi stjórn hefur dreymt um að félagið eignist eigið lógó en því miður verður ekki séð í bili að fjárhagslegt ráðrúm gefist til þess.

Í næstu viku hefst annað starfsár tónleikaraðarinnar Klassík í Vatnsmýrinni í Norræna húsinu. Miðvikudagskvöldið 24. mars kl. 20:00 munu ítölsku tónlistarmennirnir Natalia Benedetti klarínettuleikari og Sebastiano Brusco píanóleikari koma fram á fyrstu tónleikum raðarinnar. Í tilefni afmælisins er félagsmönnum boðið til móttöku með léttum vínveitingum eftir tónleikana.

Háskólatónleikar á miðvikudögum kl. 12:30 í Norræna húsinu. Dagskrá tónleika 10. mars hefur breyst.
10. mars
VINDBJÖLLUR TÍMANS: NÝTT VERK EFTIR ÁSKEL MÁSSON
ÁSKELL MÁSSON og  DUO HARPWERK:
FRANK AARNINK, slagverksleikari, og KATIE ELIZABETH BUCKLEY, hörpuleikari;
flytja nýtt verk.
17. mars
NÝTT ÍSLENSKT VERK FYRIR EINLEIKSFIÐLU
UNA SVEINBJARNARDÓTTIR, fiðla, og TINNA ÞORSTEINSDÓTTIR, píanó,
frumflytja verk eftir Unu Sveinbjarnardóttur
og flytja verk eftir Alfred Schnittke.
24. mars
NÝ ÍSLENSK OG ERLEND VERK
PAMELA DE SENSI, flauta, og EGGERT PÁLSSON, slagverk,
frumflytja ný verk eftir Elínu Gunnlaugsdóttur, Oliver Kentish og Antonio Cocomazzi
og flytja í fyrsta skipti hérlendis verk eftir Anthony Holland.
GUÐRÚN ÁSMUNDSDÓTTIR er sögumaður í verki Elínar.

Stjórn tónleikaraðarinnar Klassík í Vatnsmýrinni hefur valið flytjendur fyrir einleiks- og kammertónleika árið 2010. Frábærar umsóknir bárust fyrir þá tvenna tónleika sem auglýstir voru. Fyrir valinu urðu umsóknir Laufeyjar Sigurðardóttur fiðluleikara og Elísabetar Waage hörpuleikara fyrir kammertónleika 22. september og Hlífar Sigurjónsdóttur fiðluleikara fyrir einleikstónleika 20. október.

Er pólitísk og efnahagsleg stjórnun á menningu og listum slæm nauðsyn? - Stofnun Árna Magnússonar í íslenskum fræðum og Norræna húsið standa fyrir málþingi um menningarstjórnun í Norræna húsinu 25. febrúar nk kl 13:00-16:00. Framsögumenn verða prófessorarnir Geir Vestheim og Per Mangset frá Háskólanum í Telemark í Noregi en þeir hafa sérhæft sig í menningarfræðum og skrifað fjölda bóka og greina á því sviði. Aðrir þátttakendur verða Ása Richardsdóttir, frkvstj. Íslenska dansflokksins, dr. Haukur F. Hannesson, fv. menningarlegur stjórnandi Sinfóníunnar í Gävle í Svíþjóð, stundakennari við Háskóla Íslands, Laufey Guðjónsdóttir, forstöðumaður Kvikmyndamiðstöðvar Íslands, og dr. Njörður Sigurjónsson, lektor við Háskólann á Bifröst.
Málþingið fer fram á ensku. Allir velkomnir.
Málþingið er stutt af Norræna menningarsjóðnum, Samstarfsnefnd um kennslu í Norðurlandafræðum erlendis, menntamálaráðuneytinu, Clara Lachmanns fond og Letterstedtska föreningen.
Úlfar Bragason, rannsóknarprófessor
Stofnun Árna Magnússonar í íslenskum fræðum
Stofu Sigurðar Nordals
Þingholtsstræti 29
101 Reykjavík
www.arnastofnun.is
s. 562 6050

Háskólatónleikar á miðvikudögum kl. 12:30 í Norræna húsinu
17. febrúar
BACH, DEBUSSY, CHOPIN
BIRNA HALLGRÍMSDÓTTIR
leikur á píanó verk eftir eftir Johan Sebastian Bach,
Claude Debussy og Frédéric Chopin.
3. mars
ÍSLENSK SÓNATA FYRIR VÍÓLU OG PÍANÓ
DAGNÝ BJÖRGVINSDÓTTIR, píanó, og HELGA ÞÓRARINSDÓTTIR, víóla,
leika verk eftir Þórð Magnússon og Luise Adolpha Le Beau.
10. mars
SÖNGLÖG VIÐ LJÓÐ EFTIR HALLDÓR LAXNESS
SIGRÚN HJÁLMTÝSDÓTTIR, sópran,
BRYNDÍS PÁLSDÓTTIR, fiðla, JÓHANN G. JÓHANNSSON, píanó,
KJARTAN ÓSKARSSON, klarínetta/bassaklarínetta, PÉTUR GRÉTARSSON, víbrafónn,
flytja sönglög eftir Jóhann G. Jóhannsson við ljóð eftir Halldór Laxness.
Sum laganna verða frumflutt.
17. mars
NÝTT ÍSLENSKT VERK FYRIR EINLEIKSFIÐLU
UNA SVEINBJARNARDÓTTIR, fiðla, og TINNA ÞORSTEINSDÓTTIR, píanó,
frumflytja verk eftir Unu Sveinbjarnardóttur
og flytja verk eftir Alfred Schnittke.
24. mars
NÝ ÍSLENSK OG ERLEND VERK
PAMELA DE SENSI, flauta, og EGGERT PÁLSSON, slagverk,
frumflytja ný verk eftir Elínu Gunnlaugsdóttur, Oliver Kentish og Antonio Cocomazzi
og flytja í fyrsta skipti hérlendis verk eftir Anthony Holland.
GUÐRÚN ÁSMUNDSDÓTTIR er sögumaður í verki Elínar.

Ég hef sett inn umsóknarfresti styrkja á heimasíðu Norrænu upplýsingaskrifstofunnar. Þar er hægt að finna m.a. ferðastyrki og norræna styrki til menningarmála.
Slóðin er http://www.akmennt.is/nu/styrkir.htm
Góðar kveðjur
María Jónsdóttir
Forstöðumaður Norrænu upplýsingaskrifstofunnar Leder Nordisk informationkontor
Netfang/e-post: mariajons@akureyri.is
hjemmeside: www.akmennt.is/nu

Árið 2010 verða veittir úr Sænsk-íslenska samstarfssjóðnum ferðastyrkir til að styðja íslenska þátttakendur í sænsk-íslenskum og norrænum verkefnum. Markmið sjóðsins er að stuðla að auknu samstarfi Svíþjóðar og Íslands á sviði vísinda, menntunar og menningar. Um styrki þessa skal sótt á sérstökum vefeyðublöðum sem er að finna á vefslóðinni www.nordiskafonder.se.
Umsóknarfrestur er til 1. febrúar 2010 og skal skila umsóknum rafrænt á vefnum. Styrkjunum verður úthlutað í lok mars. Sjá nánar um sjóðinn hér http://www.menntamalaraduneyti.is/afgreidsla/sjodir-og-eydublod/menningarmal/nr/1844

Hugmyndahús háskólanna auglýsir eftir umsóknum um aðstöðu í Útgerðinni. Útgerðin er rúmlega 2000 fermetra hrátt verksmiðjuhúsnæði á Granda. Útgerðinni er ætlað að vera öflugri grasrót listalífsins skjól og vettvangur fyrir tilraunir og samstarfsverkefni þvert á listgreinarnar.  Útgerðin veitir listamönnum, hópum og verkefnum aðstöðu til æfinga, sýninga, gjörninga, viðburða og hátíðahalds. Verkefni sem koma inn í húsið borga lágmarks aðstöðugjald eftir stærð og umfangi. 
Umsóknir með lýsingu á verkefni og upplýsingum um aðstandenda skulu sendar rafrænt á utgerdin@hugmyndahus.com

Listamenn úr öllum listgreinum eru hvattir til þess að senda inn umsóknir.
Allar frekari upplýsingar gefur Steinunn Knútsdóttir, utgerdin@hugmyndahus.com eða í síma 662-4805.
Hugmyndahús háskólanna býður áhugasömum að skoða aðstöðuna Grandagarði 16 2. hæð mánudaginn 25. janúar 15:00 – 17:00.

Búið er að birta umsóknarfresti vegna styrkja í Ferða og dvalarstyrkjaáætluninna,og menningar og listaáætlunina. Umsóknarfrestir eru nokkurnvegin þeir sömu og þeir voru árið 2009. Nú er opið fyrir styrki til dvalarsetra. Nánar

Á aðalfundi Bandalags íslenskra listamanna sem haldinn var 9. janúar sl. tók Kolbrún Halldórsdóttir við forsæti af Ágústi Guðmundssyni sem gegnt hafði stöðu forseta í tvö kjörtímabil, eða frá árinu 2006. Fundurinn hyllti fráfarandi forseta fyrir vel unnin störf og bauð nýjan forseta velkominn til starfa.
Á fundinum voru eftirfarandi ályktanir samþykktar.
1. Ályktun um starfslaun listamanna.
Í lögum um listamannalaun sem samþykkt voru á Alþingi sl. vor fólst tímabær leiðrétting á kjörum listamanna. Aðafundur BIL telur mikilvægt að stjórnvöld standi við áform um fjölgun mánaðarlauna í starfslaunasjóðum svo sómi verði að framkvæmd laganna.
Fjárlög 2010 gera ráð fyrir talverðum niðurskurði framlaga til tónlistarsjóðs, bókmenntasjóðs, barnamenningarsjóðs, starfsemi atvinnuleikhópa og kvikmyndasjóðs. BÍL telur að með því sé hoggið nærri grundvelli ýmissa nauðsynlegra verkefna á sviði lista og hvetur stjórnvöld til að standa vörð um fjárframlög til sjóðanna.
2. Ályktun um húsnæðisvanda Listaháskóla Íslands
Aðalfundur BÍL hvetur stjórnvöld eindregið til að leysa sem allra fyrst úr húsnæðisvanda Listaháskóla Íslands og koma honum undir eitt þak. Listaháskólinn er nú starfræktur víðsvegar um borgina sem hamlar bæði starfsemi hans og listrænni framþróun. Ekki þarf að fjölyrða um mikilvægi Listaháskólans fyrir framtíð íslenskrar menningar.
3. Ályktun um tónlistarhús
Bandalag íslenskra listamanna lýsir yfir sérstakri ánægju með að ríki og borg skyldu taka höndum saman um að ljúka við byggingu tónlistar- og ráðstefnuhúss. Harpa mun verða mikil lyftistöng, ekki bara fyrir tónlistarlíf þjóðarinnar heldur einnig fyrir menningarímynd hennar og mun gjörbreyta allri aðstöðu til tónleikahalds.
BÍL vill leggja áherslu á að fulltrúar fagfélaga tónlistarmanna komi hið fyrsta með beinum hætti að stefnumótun listrænnar starfsemi í húsinu.

Stjórn FÍT sendir félagsmönnum bestu óskir um gleðilega hátíð og gæfu á nýju ári með þökkum fyrir liðin ár!
Við vekjum athygli á nýjum myndum á síðunni (til vinstri) um norræna tónleikasamstarfið á árinu 2009.

Í dag á Degi íslenskrar tónlistar var tilkynnt um hvaða tillaga varð hlutskörpust um nafn á Tónlistarhúsið. Efnt var til hugmyndasamkeppni um nafnið á vordögum 2008 og voru innsendar tillögur rúmlega 4000 frá um 1200 aðilum. Það voru samtals 54 sem áttu þá tillögu sem varð hlutskörpust og verður þeim öllum sent viðurkenningarskjal. Nafnið hefur fleiri en eina merkingu og er auðskilið bæði á íslenska og erlendar tungur. Fyrir utan augljósa tengingu við tónlist og hljóðfæri merkir nafnið einnig upphaf sumars í íslensku og er þannig tákn vorsins. Tónlistarmönnum og íslensku þjóðinni allri er óskað til hamingju með nafnið. Tilkynnt var um nafnið á fjölmennri samkomu í Tónlistarhúsinu kl. 15:30 í dag, 11. desember 2009, færð inn í húsið af hafnarbakkanum vegna veðurs. Fyrr um daginn var dagskrá á vegum Samtóns í tilefni dagsins á veitingastaðnum Orange við Lækjartorg þar sem m.a. var tilkynnt um hver hlaut Bjarkarverðlaunin í ár sem að jafnaði er fært þeim aðila úr heimi fjölmiðlanna sem þykir hafa unnið hvað ötulast í þágu tónlistarinnar. Í þetta sinn var það Vernharður Linnet sem hlaut Bjarkarlaufið fyrir framgöngu sína í þágu djasstónlistar.

ÚTÓN kynnir fyrsta fræðslukvöld vetrarins: Stafræn kynningarmál og markaðssetning
Fyrsta fræðslukvöld ÚTÓN í vetur verður haldið þriðjudaginn 3. nóvember frá kl. 19.30-22.00 í Norræna húsinu.
Farið verður yfir hvernig best er að nýta netið til kynningar á tónlist og menningarverkefnum. Farið verður yfir gagnsemi samfélagssíðna á borð við Facebook, Myspace, Flickr og You Tube svo fáeinar séu nefndar. Farið verður yfir gagnsemi póstlista og fyrirtæki sem hafa umsjón með póstlistum. Leitast verður við a svara hvað virkar í kynningu og markaðssetningu, hvernig það virkar – og hvað virkar ekki.
Ariel Hyatt fjölmiðlaplöggari frá Cyber PR í New York hefur umsjón með fræðslukvöldinu. Hún hefur víðtæka reynslu af markaðssetningu á netinu og hefur á síðustu 13 árum verið fulltrúi yfir 1400 tónlistarmanna.
Námskeiðsgjald er 2500 krónur fyrir félagsmenn FTT, TÍ, FÍH, FÍT og FHF og 4000 krónur fyrir aðra. Innifalið í námskeiðsgjaldi eru námskeiðsgögn og létt hressing. Nauðsynlegt er að skrá sig fyrirfram.
Skráningar fara fram hjá Grétu á greta@utflutningsrad.is eða í síma 511 4000.
Nánari upplýsingar veitir Kamilla Ingibergsdóttir í síma 591 0384.

Kamilla Ingibergsdóttir
Project Manager | Research and Development
Mobile: +354 863 3499  | kamilla@icelandmusic.is  
 
Iceland Music Export
Borgartún 35
105 Reykjavík, Iceland
Tel: +354 511 4000 | Fax: +354 511 4040 | http://www.icelandmusic.is

Opið er fyrir ferðastyrki hjá Norrænu menningargáttinni til 11.11.2009. Ferðastyrkir eru ætlaðir til allrar lista- og menningarstarfsemi á Norðurlöndunum og í Eystrasaltslöndunum: Fagfólks innan allra listgreina, höfunda fagurbókmennta, þýðenda, sýningarstjóra, framleiðenda, blaðamanna sem starfa við menningartengt efni, menningarfræðinga o.s.frv.
- Fagfólk getur sótt um dvalarstyrk í öðru landi á Norðurlöndunum eða í Eystrasaltslöndunum
- Dvalarstyrkur stendur straum af kostnaði fyrir sjö sólarhringa að hámarki (fimm virkir dagar + helgi). Forsendur útreiknings miðast annarsvegar við dvöl í höfuðborg og hinsvegar við dvöl á öðru svæði
- Athugið að umsækjandi og styrkþegi verður að vera sama manneskjan og að styrkir eru einungis veittir einstaklingum, ekki hópum

http://www.kknord.org/lang-is/menningaraaetlanir/fereastyrkjaaaetlunin/fereastyrkir

Nánari upplýsingar og aðstoð veitir:
Þuríður Helga Kristjánstdóttir
Verkefnastjóri / Prosjektleder / Project Manager
Norræna húsið / Nordens hus / Nordic house
Sími / tel: +354 551 7032
thuridur@nordice.is
www.norraenahusid.is 

Sýning, tónlist, ljóðalestur og fróðleikur í Gerðubergi sunnudaginn 18. október 2009 kl. 14-16. Sýningarstjóri: Guðfinna M. Hreiðarsdóttir, sagnfræðingur. Listrænn stjórnandi tónlistardagskrár: Nína Margrét Grímsdóttir, píanóleikari.
Sunnudaginn 18. október verður flutt dagskrá í Menningarmiðstöðinni Gerðubergi undir yfirskriftinni: Óður til Höllu Eyjólfsdóttur, skáldkonu (1866-1937). Tilefnið er opnun sýningarinnar Svanurinn minn syngur. Líf og ljóð skáldkonunnar Höllu Eyjólfsdóttur . Guðfinna M. Hreiðarsdóttir, sagnfræðingur, á heiðurinn af sýningunni sem sett var upp á Ísafirði árið 2008
um leið og gefin var út bók um sama efni.
Halla Eyjólfsdóttir var húsfreyja á stórbýlinu Laugabóli við Ísafjarðardjúp frá lokum 19. aldar og fram á fyrri hluta 20. aldar. Hún var ekki einungis fjórtán barna móðir heldur lenti öll bústjórn að miklu leyti á henni þar sem eiginmaður hennar, Þórður Jónsson, var formaður á eigin skipi og því lítið heima við. Guðfinna segir í bók sinni um Höllu: „Þótt hlutskipti Höllu yrði að stjórna stóru búi mestan hluta ævinnar, þá var skáldskapurinn hennar hjartans mál. Hún gat hins vegar aðeins sinnt honum í hjáverkum og í ljóðum hennar urðu fuglar himinsins og himinhnettirnir táknmyndir hins frjálsa anda með lausn frá amstri hversdagslífsins.“
Dagskráin leitast við að gefa innsýn í þau yrkisefni sem voru skáldkonunni hugleiknust - ástina, náttúruna og sorgina. Listrænt samstarf Höllu við tónskáldið Sigvalda Kaldalóns fær sérstakan sess þar sem söngvararnir Nathalía Druzin Halldórsdóttir, mezzósópran og Gissur Páll Gissurarson, tenór, flytja ásamt Nínu Margréti Grímsdóttur, píanóleikara, úrval þeirra sönglaga Sigvalda sem samin voru við ljóð Höllu s.s. Svanurinn minn syngur, Maríubæn og Ég lít í anda liðna tíð.
Á dagskránni mun enn fremur tónskáldið Elín Gunnlaugsdóttir flytja erindi um samspil tóna og ljóða, lesið verður úr ljóðum Höllu; sellóleikarinn Margrét Árnadóttir flytur, ásamt Nínu Margréti, Tilbrigði um íslenskt þjóðlag frá árinu 1964 eftir fyrsta kventónskáld okkar, Jórunni Viðar og stúlknakórinn Graduale Nobili flytur kórlög eftir íslensk kventónskáld undir stjórn Jóns Stefánssonar, þ.m.t. Barnagælur Jórunnar. Óður til Höllu Eyjólfsdóttur, skáldkonu er því helgaður listsköpun hennar, en er jafnframt óður til listsköpunar íslenskra kvenna fyrr á öldum og fram á okkar tíma.“
Fjölmiðlafólk athugið! Generalprufa fer fram í Gerðubergi í dag kl. 17-19.
Þá gefst færi til að taka upp brot úr dagskránni og ljósmynda flytjendur.
Þeir sem óska eftir að fá að birta ljósmyndir af Höllu hafi samband við undirritaða.

Martial Nardeau, flautuleikari, heldur einleikstónleika í Norræna húsinu miðvikudagskvöldið 21. október kl. 20.00. Eru þetta fjórðu og síðustu tónleikar ársins 2009 í tónleikaröð Félags íslenskra tónlistarmanna og Norræna hússins, “Klassík í Vatnsmýrinni”.
Á efnisskrá tónleikanna eru verk eftir feðgana Johann Sebastian og Carl Philipp Emanuel Bach, svo og verk eftir Friedrich Kuhlau og frönsku tónskáldin Marin Marais og Claude Debussy.
Martial Nardeau hóf að læra á flautu níu ára gamall hjá Raymond Pauchet í Tónlistarskólanum í Boulogne sur Mer í Frakklandi og útskrifaðist þaðan sextán ára gamall. Á næstu árum hélt hann áfram námi í París hjá Fernand Caratgé og Roger Bourdin og vann til margra verðlauna og viðurkenninga. Á árunum 1979 til 1982 var hann fastráðinn við Lamoureux-sinfóníuhljómsveitina í París ásamt því að vera flautukennari við ríkistónlistarskólana í Limoges og Amiens en kom jafnframt víða fram sem einleikari.
Árið 1982 settist Martial að á Íslandi. Hann hefur æ síðan starfað í Kammersveit Reykjavíkur og Hljómsveit Íslensku óperunnar, Kammersveit Hallgrímskirkju og leikið með fjölmörgum tónlistarhópum. Hann er fastráðinn við Sinfóníuhljómsveit Íslands og starfar sem kennari við Listaháskóla Íslands. Martial hefur einnig ferðast mikið sem tónlistarmaður, komið fram í um það bil 20 löndum og leikið einleik með hljómsveitum hér heima og erlendis.
Hann er ekki við eins fjölina felldur í tónlistariðkun sinni því hann leikur einnig á barokkflautu, jazzar og semur tónlistar þegar sá gállinn er á honum. Þá hefur Martial alla tíð verið ötull við flutning íslenskra verka, sem mörg hafa verið samin fyrir hann og hefur hann gefið út tvo geisladiska hjá Íslenskri tónverkamiðstöð.
Martial hefur nokkrum sinnum hlotið starfslaun listamanna frá menntamálaráðuneytinu og starfsstyrki t.d. sem bæjarlistamaður Kópavogs.
Aðgangseyrir á tónleikana er 1.500 kr en ókeypis er fyrir nemendur og ungt fólk að 21 árs aldri.

Um tónleikaröðina
Félag íslenskra tónlistarmanna hóf í upphafi árs samstarf við Norræna húsið um tónleikaröð með áherslu á norrænt og alþjóðlegt samstarf. Tilgangurinn með tónleikaröðinni er að gefa áheyrendum tækifæri til að hlýða á fyrsta flokks innlenda og erlenda listamenn með áherslu á “sólistann” annars vegar og “kammertónlist” hins vegar.
Tónleikarnir eru ávallt á miðvikudagskvöldum og eru fernir á starfsárinu 2009, tvennir með íslenskum flytjendum og tvennir með norrænum flytjendum fyrir samvinnu FÍT við norræn einleikarafélög í Nordisk Solistråd. Miðaverði er stillt í hóf og er sérstaklega reynt að hvetja til aðsóknar ungs fólks með því að veita þeim ókeypis aðgang að tónleikunum.
Stjórn tónleikaraðarinnar sér um framkvæmd og skipulagningu auk listrænnar stjórnunar. Tónleikastjórn skipa: Laufey Sigurðardóttir, Hallveig Rúnarsdóttir og Jón Sigurðsson.

Páll Eyjólfsson gítarleikari mun verða fulltrúi F.Í.T. á NordSol tónleikum í Færeyjum þann 7. nóvember næstkomandi. Þar mun hann leika ásamt fulltrúm frá 4 öðrum einleikurum/dúóum frá norrænu einleikarafélögum. Páll mun leika Dans eftir Mist Þorkelsdóttur og Prelúdíu eftir Villa-Lobos. Tónleikarnir eru haldnir í Norðurlandahúsinu í tengslum við ársfund Nordisk Solistråd í Færeyjum 6.-7. nóvember. Ársfundur Nordisk Solistråd verður haldinn á Íslandi vorið 2010, dagana 10.-12. júní.

Ný tónleikastjórn er tekin til starfa fyrir tónleikaröðina Klassík í Vatnsmýrinni 2010-2011. Í henni munu sitja Sigurður Bragason, söngvari, Guðrún Sigríður Birgisdóttir, flautuleikari og Jón Sigurðsson, píanóleikari. Auglýst verður vegna tónleika í tónleikaröðinni 2010 fyrir áramót.

Framhaldsaðalfundar F.Í.T. var haldinn var 21. september 2009 í Vestursal FÍH í Rauðagerði. Fundarstjóri var Margrét Bóasdóttir, fundarritarar: Jón Sigurðsson og Hallveig Rúnarsdóttir.
 
Á fundinum voru tillögur stjórnar um lagabreytingar samþykktar samhljóða en stjórnin dró tillögu um hækkun félagsgjalda til baka vegna ónógrar þátttöku félagsmanna á fundinum.
 
Á fundinum kom ýmislegt áhugavert og fræðandi fram varðandi fjárhagsaðstæður félagsins, stöðu landsbyggðartónleika, listastefnu BÍL og 70 ára afmæli félagsins 2010 en á næsta ári verður einnig haldinn ársfundur Nordisk Solistråd á Íslandi.
 
Ályktun til fjölmiðla:
Félag íslenskra tónlistarmanna (FÍT) er fagfélag íslenskra einleikara, einsöngvara og stjórnenda. Tilgangur þess er að gæta hagsmuna félagsmanna sinna og samkvæmt lögum félagsins ber félaginu að beita sér fyrir vandaðri tónlistarumfjöllun í fjölmiðlum. Framhaldsfundur FÍT haldinn 21. september 2009 beinir því til fjölmiðla að standa vörð um vandaða tónlistarumfjöllun, jafnt kynningu sem gagnrýni þannig að saman fari hagur neytenda, fjölmiðla og tónlistarmanna.

Umsóknarfrestur til að sækja um styrk vegna námsefnisgerðar  ( C deild ) úr Starfsmenntunarsjóðnum rennur út 15. október n.k.
Öllum umsóknum verður svarað eigi síðar en 15. desember. Hámarksstyrkur er 700.000 kr. og eru 200.000 kr. greiddar þegar verk er sannanlega hafið og afgangurinn að verki loknu.

Jóladagatal Norræna hússins verður haldið þriðja árið í röð, eins og nafnið gefur til kynna er um að ræða dagskrá á hverjum degi fram að jólum í desember.  Við erum að leita að góðum atriðum í dagatalið í ár,
Lengd hvers viðburðar á að vera 10-15 mínútur og má hann vera að hvaða tagi sem er. Sendið okkur lýsingu á atriðinu ásamt stuttri kynningu á þátttakendum,
Umsóknin þarf að berast fyrir 15. október 2009 og sendist á thuridur@nordice.is.
Hugmyndin á bak við dagatalið er að veita fólki menningarlegan innblástur og lyfta andanum upp í jólaamstrinu. Í fyrra tóku meðal annars þátt; Björk Guðmundsdóttir, Jón Gnarr, Sr Karl Sigurbjörnsson biskup, Ásdís Sif Gunnarsdóttir, Egill Ólafsson, og Motion boys.

Framhaldsaðalfundur verður haldinn mánudagskvöldið 21. september, í Vestursal að Rauðagerði 27. Fundurinn hefst kl. 20:00 og áætlað er að honum ljúki fyrir kl. 22:00. Fyrir liggja tillögur um lagabreytingar, hækkun félagsgjalda, óafgreidd ályktun frá síðasta fundi og fleiri mál. Sjá dagskrá fundar.
Félagsmenn eru hvattir til að mæta vel til að taka þátt í umræðum og koma skoðunum sínum á framfæri!
Með kveðju,
Stjórnin

Dagskrá framhaldsaðalfundar:
Tveimur dagskrárliðum hefðbundinna aðalfundarstarfa var frestað á aðalfundi félagsins þann 10. júní vegna tímaskorts: það eru í fyrsta lagi tillögur um lagabreytingar og í öðru lagi liðurinn Önnur mál.
Lagabreytingar (sjá hjálagðar tillögur)
Önnur mál:
Hækkun félagsgjalda í 7.500 kr á ári
Ályktun til fjölmiðla (sjá hjálagt)
Skýrsla verkefnisstjóra um landsbyggðartónleika
70 ára afmæli félagsins 2010
Listastefna BÍL
Orðið laust!

Fyrirliggjandi tillögur um lagabreytingar (3 breytingatillögur):

1)      2. grein c. um tilgang félagsins:
c: Að beita sér fyrir vandaðri tónlistarumfjöllun í fjölmiðlum.

Núgildandi lög:
2. grein
c: Að beita sér fyrir vandaðri tónlistargagnrýni í blöðum og tímaritum.

2)      3. grein a. um félagsaðild
Rétt til að gerast félagar eiga þeir, sem fullnægja eftirtöldum skilyrðum:
a: Félagsmenn geta orðið tónlistarmenn (einleikarar; einsöngvarar; stjórnendur) sem uppfylla eftirtalin skilyrði:
Viðkomandi skal hafa stundað ítarlegt tónlistarnám (háskólanám eða sambærilegt), vera virkur í íslensku tónlistarlífi og hafa hlotið ótvíræða viðurkenningu fyrir tónlistarstörf sín.

Núgildandi lög
3. grein
Rétt til að gerast félagar eiga þeir, sem fullnægja eftirtöldum skilyrðum:
a: Félagsmenn geta orðið íslenskir og erlendir tónlistarmenn (einleikarar; einsöngvarar; stjórnendur) búsettir á Íslandi, og íslenskir tónlistarmenn búsettir erlendis, sem uppfylla eftirtalin skilyrði:  Viðkomandi skal hafa stundað ítarlegt tónlistarnám, hafa tónlist að aðalstarfi og hlotið ótvíræða viðurkenningu fyrir.

3)      9. grein, liðir e-g:
Aðalfundarstörf eru þessi:
a: Fundargerð síðasta aðalfundar borin upp til samþykktar.
b: Skýrsla formanns.
c: Lagðir fram til samþykktar endurskoðaðir félagsreikningar fyrir síðasta reikningsár.
d: Tillögur til lagabreytinga ef fram eru bornar.
e: Umsóknir nýrra félaga.
f: Kosin stjórn, varastjórn og skoðunarmenn reikninga.
g: Önnur mál.

Núgildandi lög:
9. grein
Aðalfundarstörf eru þessi:
a:  Fundargerð síðasta aðalfundar borin upp til samþykktar.
b:  Skýrsla formanns.
c:  Lagðir fram til samþykktar endurskoðaðir félagsreikningar fyrir síðasta reikningsár.
d.  Tillögur til lagabreytinga ef fram eru bornar.
e.  Kosin stjórn, varastjórn og skoðunarmenn reikninga.
f.  Nýir félagar og önnur mál.

Ályktun
Til fjölmiðla (RÚV, mbl, fbl, dv)
Félag íslenskra tónlistarmanna (FÍT) er fagfélag íslenskra einleikara, einsöngvara og stjórnenda. Tilgangur þess er að gæta hagsmuna félagsmanna sinna og samkvæmt lögum félagsins ber félaginu að beita sér fyrir vandaðri tónlistarumfjöllun í fjölmiðlum.
Framhaldsaðalfundur FÍT haldinn 21. september 2009 vill hvetja til samvinnu og samráðs við félagið um tónlistarumfjöllun þannig að saman megi fara hagur neytenda, fjölmiðla og tónlistarmanna um áhugaverða og ítarlega umfjöllun á þessum vettvangi.

Þriðju tónleikar í tónleikaröð Félags íslenskra tónlistarmanna og Norræna hússins “Klassík í Vatnsmýrinni” verða haldnir miðvikudaginn 16. september kl 20.00.
Á tónleikunum kemur fram einn frægasti blokkflautuleikari heims Michala Petri ásamt eiginmanni sínum Lars Hannibal gítarleikara. Á efnisskránni eru verk eftir J. S. Bach, A. Vivaldi, Astor Piazzolla, Michölu Petri og marga fleiri.
Tónleikarnir verða endurteknir í Hömrum á Ísafirði kvöldið eftir, 17. september kl. 20:00, í samvinnu við Tónlistarfélag Ísafjarðar.
Michala Petri blokkflautuleikari, er einn af fremstu hljóðfæraleikurum í heiminum í dag. Hún hefur komið fram á nærri fjögur þúsund tónleikum í fjórum heimsálfum og hlotið fjölmörg verðlaun fyrir leik sinn, m.a. dönsku Lumbye verðlaunin fyrir framlag sitt við að koma klassískri tónlist á framfæri við almenning. Listræn sköpun hennar og mikil færni hefur glatt og heillað áheyrendur um allan heim.
Lars Hannibal lærði á gítar við konservatoríið í Árósum og lútu hjá Toyohiko Satoh í Den Haag á árunum 1972-1980. Hann hefur aðallega unnið sem kammertónlistarmaður í samstarfi við tónlistarmenn um allan heim. Árið 1991 hlaut hann FTF menningarverðlaunin og árið 1993 Dansk Solist-Forbunds Jubilæums verðlaunin.
Samstarf þeirra Michölu Petri og Lars Hannibal, eiginmanns hennar, hófst árið 1992 með tónleikum í klaustrinu La Cartuja de la Sierra í Andalúsíu á Spáni. Síðan hafa þau leikið yfir þúsund tónleika saman í Evrópu, Norður- og Suður-Ameríku, Japan, Kína og Kóreu. Efnisskrá þeirra spannar allt frá endurreisnartónlist, barokk, klassískri og rómantískri tónlist, til nútímatónlistar sem hefur verið samin sérstaklega fyrir þau. Þau hafa  gefið út geisladiskana Souvenir, Air og Kreisler Inspirations með rómantískum umritunum fyrir blokkflautu og gítar sem árið 2002 hlaut þýsku Grammy verðlaunin. Í nóvember 2006 stofnuðu þau eigið hljómlötufyrirtæki, OUR recordings, og gáfu út geisladiskinn Siesta með latin-skotinni tónlist. Í október 2009 kemur út diskurinn Café Vienna þar sem dúóið leikur tónlist frá dögum Beethovens.
Samræða, samneyti og tjáning eru lykilorð í tónlistariðkun Michölu Petri og Lars Hannibal. Samfelld samræða – með sjálfum sér, með hvort öðru og við áheyrendur – er áríðandi hluti af flutningi þar sem tónlistin er ekki bara nótur á blaði.
Tónleikarnir eru haldnir í samvinnu við Dansk Solist-forbund með styrk frá Norræna menningarsjóðnum og Dansk-íslenska samstarfssjóðnum.

Um tónleikaröðina
Félag íslenskra tónlistarmanna hóf í upphafi árs 2009 samstarf við Norræna húsið um tónleikaröð með áherslu á norrænt og alþjóðlegt samstarf. Tilgangurinn með tónleikaröðinni er að gefa áheyrendum tækifæri til að hlýða á fyrsta flokks innlenda og erlenda listamenn með áherslu á “sólistann” annars vegar og “kammertónlist” hins vegar.
Tónleikarnir verða ávallt á miðvikudagskvöldum og eru fernir á starfsárinu 2009, tvennir með íslenskum flytjendum og tvennir með norrænum flytjendum fyrir samvinnu FÍT við norræn einleikarafélög í Nordisk Solistråd. Miðaverði er stillt í hóf og er sérstaklega reynt að hvetja til aðsóknar ungs fólks með því að veita þeim frían aðgangseyri.
Stjórn tónleikaraðarinnar sér um framkvæmd og skipulagningu auk listrænnar stjórnunar. Tónleikastjórn skipa: Laufey Sigurðardóttir, Hallveig Rúnarsdóttir og Jón Sigurðsson.

Tónleikar síðar á árinu:
Miðvikudagur 21. október kl. 20:00
“Fegurð flautunnar” - Einleikstónleikar:
Martial Nardeau, þverflauta

Eins og ýmsum ykkar mun vera kunnnugt var opnað tónlistarsetur á Stokkalæk á Rangárvöllum 4. júlí sl., sem kallað er Selið á Stokkalæk. Þann dag voru tvennir opnunartónleikar þar sem fram komu píanóleikararnir Víkingur Heiðar Ólafsson og Halla Oddný Magnúsdóttir auk Huldu Jónsdóttur fiðluleikara. Síðan hafa nokkrir tónleikar verið haldnir í Selinu, söngur, píanó og flauta, og hópar tónlistarmanna hafa dvalið við æfingar nokkra daga í senn. Framundan eru meistarnámskeið í píanóleik, upptaka fyrir geisladisk með fiðlu og sellói og tónleikar, meðal annars vígsla Víkings á nýjum Steinway-flygli sem hann hefur valið fyrir Selið. Þá er í undirbúningi Sveinbjörns Sveinbjörnssonar hátíð í febrúar á næsta ári en Nína Margrét Grímsdóttir píanóleikari er listrænn stjórnandi hennar.
Nýlega var opnuð heimasíðu fyrir Selið á Stokkalæk, stokkalækur.is. Þar sést meðal annars að tilgangur þessa tónlistarseturs er fyrst og fremst sá að styrkja unga tónlistarnema í klassískri tónlist til að efla færni sína og menntun og veita bæði þeim og öðru tónlistarfólki færi á að iðka tónlist sína, æfa og halda tónleika, í fögru umhverfi fjarri ys og þys þéttbýlisins. Annars vegar verður nokkrum dvalarstyrkjum úthlutað árlega til þeirra sem áhuga hafa á að skipuleggja og standa fyrir meistarnámskeiðum og til ungra tónlistarmanna sem eru að hefja feril sinn sem atvinnumenn í klassískri tónlist, til æfinga og tónleikahalds. Hins vegar verður öðru tónlistarfólki leigður staðurinn til æfinga, tónleikahalds og upptöku gegn vægu gjaldi.
Í Selinu á Stokkalæk, sem byggt var sem fjós, eru átta tveggja manna herbergi með baði og er Kawai píanó í hverju herbergi. Í setustofu, sem getur rúmað 70 manns í sæti á tónleikum, er nýr Steinway flygill eins og áður sagði. Í húsinu er fullbúið eldhús þar sem gestir geta matreitt sjálfir og í Selinu er raunar að finna allan nauðsynlegan útbúnað til dvalar og tónlistariðkunar eins og nánar má lesa um á heimasíðunni og við hvetjum ykkur eindregið til að kynna ykkur. Tengd Selinu er stór óeinangruð hlaða, sem vel má nýta að sumarlagi, til dæmis fyrir tónleika, listsýningar eða hvers konar samveru. Þá er í litlu dalverpi í fimm mínútna göngufjarlægð frá Selinu gamalt Klakhús, sem hefur verið innréttað sem sumarhús. Þar er svefnpokapláss fyrir fjóra, baðherbergi og eldunaraðstaða.
Við erum hvenær sem er reiðubúinn til að sýna ykkur staðinn, sem ef til vill gæti nýst ykkur eða skjólstæðingum ykkar. Þá væri ekki verra að sjá ykkur á tónleikum hér en Selið á Stokkalæk er í 100 km fjarlægð frá Rauðavatni í Reykjavík. Til að fylgjast með tónleikum í Selinu er einfaldast að skrá sig á póstlista á heimasíðunni.
Með bestu kveðjum,
Inga Ásta og Pétur Hafstein

Reykjavíkurborg veitir ár hvert félagasamtökum, fyrirtækjum og einstaklingum styrki til starfsemi og þjónustu sem fellur að hlutverki sveitarfélagsins eða telst á annan hátt í samræmi við stefnumörkun, áherslur og forgangsröðun borgaryfirvalda.
Styrkirnir eru ætlaðir viðburðum eða verkefnum sem koma til framkvæmda á næsta ári.
Viðburðir eða verkefni eru ekki styrkt eftir á. Styrkveiting felur ekki í sér fyrirheit um frekari skuldbindingar af hálfu Reykjavíkurborgar nema gerður sé sérstakur samningur þess efnis.
Umsókn skal berast eigi síðar en 1. október 2009. Einungis eru teknar til greina umsóknir sem berast innan tilskilins frests og uppfylla þær kröfur sem reglur Reykjavíkurborgar kveða á um. Þeir aðilar sem fengi hafa styrk áður þurfa að skila inn greinargerð um ráðstöfnun þess fjár. Sjá nánar hér