Um F.Í.T.

F.Í.T. er fagfélag íslenskra tónlistarmanna. Það er skipað 159 félagsmönnum (2009) sem greiða árgjald til félagsins. Félagið er skipað fimm manna stjórn sem fundar með reglulegu millibili. Aðalfundir eru haldnir á vorin og er þá nýjum félögum veitt innganga með samþykki aðalfundar.
Tilgangur félagsins er að gæta hagsmuna félagsmanna sinna og koma fram fyrir þeirra hönd í baráttumálum þeirra; vinna að framgangi tónlistar- og menningarlífs á Íslandi, m.a. í samstarfi við önnur félagasamtök með samskonar markmið, með því að stuðla að eða stofna til verkefna í samvinnu við menningarstofnanir; leita nýrra sóknarfæra í krafti félagsheildarinnar o.fl.

Hverjir geta verið í félaginu?

Félagsmenn geta orðið tónlistarmenn (einleikarar; einsöngvarar; stjórnendur) sem uppfylla eftirtalin skilyrði:
Viðkomandi skal hafa stundað ítarlegt tónlistarnám (háskólanám eða sambærilegt), vera virkur í íslensku tónlistarlífi og hafa hlotið ótvíræða viðurkenningu fyrir tónlistarstörf sín.

Núverandi stjórn F.Í.T. vill hvetja alla tónlistarmenn sem telja sig falla undir þessa skilgreiningu til að sameinast í F.Í.T. Nýir félagar eru aðeins teknir inn á aðalfundi félagsins. Umsóknum þar sem fram kemur menntun og helstu störf á tónlistarsviðinu má senda í netpósti til félagsins, senda til eða skila á skrifstofu F.Í.T. að Rauðagerði 27, eða til stjórnarmanna, fyrir aðalfund.

Umsóknareyðublað