Velkomin heim

FÍH og FÍT, klassísk deild FÍH kynna sérstaka tónleika innan tónleikaraðarinnar Sígildir sunnudagar í samvinnu við Hörpu sem býður unga tónlistarmenn velkomna til tónleikahalds. Söngvarar, hljóðfæraleikarar og tónskáld sem lokið hafa námi erlendis fá hér tækifæri til að kynna sig og leyfa áhorfendum að njóta árangurs náms og starfa. Tónleikarnir eru á sunnudögum kl. 17.00 og þó áhersla sé lögð á sígilda tónlist verður boðið til samstarfs ólíkra tónlistargeira og bæði hefðbundnar og óhefðbundnar efnisskrár.